Ack : – Divya Bajpai

Har khushi hai logo ke Daman me,
Par ek hansi ke liye waqt nahi.
Din raat daudti duniya mein,
Jindagi ke liye hi waqt nahi. !1!

Maa ki lori ka ehsaas to hai,
par maa ko maa kehne ka waqt nahi.
Saare rishton ko to hum maar chuke,
ab unhe dafnane ka bhi waqt nahi. !2!

Sare naam mobile me hain,
par dosti ke liye waqt nahi.
Gairon ki kya baat kahein,
jab apno ke liye hi waqt nahi. !3!

Aankhon me hai neend badi,
par sone ko waqt nahi.
Dil hai gamo se bhara hua,
par rone ko bhi waqt nahi. !4!

Paison ki daud me aise daude,
ki thakne ko bhi waqt nahi.
Paraye ehsason ki kya kadr karein,
jab apne sapno ke liye hi waqt nahi. !5!

Tu hi bata E zindagi,
is zindagi ka kya hoga,
Ki har pal marane walon ko,
jeene ke liye bhi waqt nahi…….!6!